Yangiliklar

O‘tkazilish sanasi: 2025-yil 12-noyabr, soat 10:00
O‘tkaziladigan joy: Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi

Jahon banki tomonidan moliyalashtiriladigan PRIM-01-28 granti loyihasi doirasida Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi yurak-qon tomir kasalliklarini (YQTK) oldini olish va sog‘lom turmush tarzini shakllantirishga bag‘ishlangan Ochiq eshiklar kuni o‘tkaziladi.

Ushbu tadbirning maqsadi - yurak salomatligiga har kuni e’tibor qaratish zarurligini ta’kidlashdir.

Tadbirning maqsad va vazifalari:

·       Aholining yurak-qon tomir kasalliklari xavf omillari va ularni oldini olish usullari haqida xabardorligini oshirish;

·       Fuqarolarda o‘z salomatligiga mas’uliyatli munosabatni shakllantirish;

·       Sog‘lom ovqatlanish, jismoniy faollik va zararli odatlardan voz kechish tamoyillarini targ‘ib qilish;

·       Mutaxassislar tomonidan bepul skrining tekshiruvlari va maslahatlarni o‘tkazish.

Ochiq eshiklar kuni dasturida:

·       Kardiologlar, terapevtlar va tibbiy reabilitatsiya shifokorlari tomonidan konsultatsiyalar;

·       Qon bosimi, qand va xolesterin darajasini o‘lchash;

·       YQTK xavfini kamaytirish bo‘yicha individual tavsiyalar;

·       Ma’rifiy ma’ruzalar va interaktiv uchrashuvlar;

·       Yurak kasalliklarining oldini olishga oid axborot materiallarini tarqatish.

Tadbir barcha yosh toifalariga mo‘ljallangan bo‘lib, ayniqsa ijtimoiy jihatdan himoyaga muhtoj, keksa fuqarolar hamda yoshlarga alohida e’tibor qaratiladi. Maqsad - aholida sog‘lom hayot tarzini ongli ravishda shakllantirish.

Tashkilotchi: Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi
Homiy: Jahon Banki tomonidan moliyalashtiriladigan PRIM-01-28 granti loyihasi

Sizni tadbirda faol ishtirok etishga taklif etamiz!
Sog‘lom yurakka birinchi qadamni qo‘ying — xavf omillari va profilaktika choralari haqida o‘z vaqtida ma’lumot oling.