Лаборатория "Гастроэнтерология"

«РИТваТРИАТМ» давлат муассасасида "гастроэнтерология" илмий лабораторияси Ўзбекистон Республикаси Соғлиқни сақлаш вазирлиги томонидан 2021 йилда ташкил этилган. Бунда, гастроэнтерологик ва гепатологик хасталиклари бўлган беморларда лаборатор-функционал параметрлардаги ўзаро боғлиқ ўзгаришларни эрта ташхислашнинг, комплекс реабилитациясининг замонавий усулларини такомиллаштириш ва жорий этиш илмий-амалий ишлар олиб борилади.

Илмий лаборатория рахбари: т.ф.д., профессор Каримов М.М. (1961 йилда туғилган), олий тоифали гастроэнтеролог. 2000 йилдан бери Марказнинг гастроэнтерология бўлимида рахбар бўлиб ишлайди. 1989 йилда "Бирламчи аниқланган ўпканинг деструктив силининг комплекс  антибактериал терапиясининг коррекцияси" мавзусида номзодлик диссертациясини ҳимоя қилган (фтизиатрия мутахассислиги бўйича). 2002 йилда "Ўпка хастлигили беморларда махаллий носпецифик химоя тизимининг динамик холатини хисобга олган холда даволашни такомиллаштириш" мавзусида докторлик диссертациясини ҳимоя қилган (клиник фармакология мутахассислиги бўйича), 2009 йилда профессор даражасини олган.

Бугунги кунга келиб унинг 570 та нашри, шу жумладан 280 та мақола, 10 та монография, 26 та услубий қўлланма ва тавсиялар, 2 та ўқув қўлланма, интеллектуал мулк агентлигининг 3 та патенти ва 10 та компьютер дастурлари мавжуд.

Илмий лаборатория раҳбарининг электрон почтаси – mirvasit61@rambler.ru